地海森居社區聯絡中心開放參觀

【#見築新視界 - 「地海森居」正式開放！🌿✨ 】 大家期待已久，土木工程拓展署轄下嘅土木工程處位於馬料水海濱嘅社區聯絡中心「地海森居」，將於2026年7月28日正式開放俾公眾參觀啦！🎉🥳 「地海森居」裏面有互動遊戲🎮，大家可以嚟輕鬆玩下，了解土木工程處日常做緊咩工作🔎。無論係一家大細👨‍👩‍👧‍👦、準備環島旅遊、定係踩單車🚴、跑步或者散步🏃🏻‍♀️🏃🏻路過嘅朋友，都歡迎入嚟行吓睇吓～😎 除此之外，「地海森居」本身都係一個新穎嘅展示品！✨應用咗好多創新建築技術同物料，有循環建築概念♻️，仲有工程竹、碳礦化同生物碳混凝土、同埋香港研發嘅i2Cool輻射冷卻塗料等等🍀🍀🍀。透過「地海森居」俾大家親身感受可持續建築係點樣做到既實用又環保。🌱 最後，土木工程處一直致力維護現有公眾碼頭，俾大家可以更安全舒適咁搭船去到香港各個大自然景點📷，享受生態自然之美🌏。正因為咁，呢個位於馬料水兩個公眾碼頭附近嘅「地海森居」，亦都希望能夠成為一個聚腳點📍，方便大家從呢度出發體驗形形色色嘅生態旅遊！ 除左喺開放時間自由入嚟參觀，我地亦設有可以預約嘅導賞參觀。不論係個人、一家大細定係團體參觀，都可以預約呀！ 即刻撳入去睇下開放時間同埋預約嘅詳情啦！👇 https://ceoclc.hk/tc/visiting-clc 「地海森居」地址：馬料水海濱（近馬料水新渡輪碼頭） 官方網站 ｜ https://ceoclc.hk Facebook ｜ https://www.facebook.com/profile.php?id=61590849474511 Instagram｜ @ceoclchk #土木工程拓展署 #CEDD #土木工程處 #社區聯絡中心 #地海森居 #香港好去處

Uploaded at 2026/08/01