香港生命力親子義工招募

義工分享｜「做義工學到嘅嘢，書本教唔到」👧 Leona今年13歲，由7歲開始每個星期六都嚟糧餉坊幫手，今年已經係第6年～ 喺呢度學識好多課堂以外嘅嘢—— 學會將物資逐份分裝入福袋、學會溫柔同長者傾計、更學會細心留意身邊人嘅需要。 「以前我覺得做義工只係幫人，做咗之後先發現，自己收穫嘅、學到嘅，其實仲多。」 佢曾跟隨前線同事上門探訪獨居長者，幫手派發愛心福袋。 有位婆婆收到之後笑住話：「多謝曬 真係好豐富。」 Leona話，嗰一刻先真正明白，自己付出嘅小小善意，真係有人收到、有人感受到。 「媽咪成日講『施比受更有福』，以前我唔係好明。而家我明喇——見到人哋開心，自己會更加開心。」 6 年間，Leona 由事事需要照顧嘅小朋友，變成可以帶領新義工嘅小師姐。 呢份珍貴嘅成長，係補習班、課堂永遠畀唔到嘅。 想畀小朋友擁有一個充滿意義嘅週末？ 歡迎家長帶小朋友一齊加入義工行列，親身感受「施比受更有福」嘅道理💛 📢義工報名：https://forms.gle/gY4ennrz2DLMe9Zc9 📱 WhatsApp 查詢：5541 5871 —— 【香港生命力】 🙏 歡迎捐款 / 食物捐贈 / 物資捐贈 / 企業合作｜食物轉贈🥗 義工招募同步進行！ 📱 WhatsApp：5541 5871 | 🌐 官網：http://www.hkpowerclub.org.hk/ #香港生命力 #食物援助 #義工招募 #香港慈善機構 #基層家庭支援 #社區服務 #青年義工 #本地慈善 #親子義工

Uploaded at 2026/05/28