西九家FUN藝術節 2026 (巨型貓貓裝置及迷你小貓展)
🌿 同大家分享我嘅打卡路線！先去ELEMENTS圓方探小貓咪，再去西九文化區搵巨貓一家三口～ 前排我終於去咗朝聖！由ELEMENTS圓方開始，喺火區 Fire Zone有個迷你小貓展區，係同西九演藝呈獻的「西九家FUN藝術節」合作㗎！入面有三隻軟萌可愛嘅小貓咪，佢哋會綻放柔和光芒，仲有好多小故事介紹，幫你提前進入懶洋洋嘅夢幻氛圍～我喺度影咗好多相，啲貓仔細細隻超得意，企喺佢哋隔離影相，成個畫面好溫馨！ 喺ELEMENTS影完小貓咪，仲可以順便行吓商場、食個Tea，補給完先慢慢出發去西九。由商場行天橋過去西九文化區，大概10分鐘就到，好方便！ 去到海濱草坪，就見到巨型貓咪一家三口！呢個《夢遊喵境》由英國 Air Giants 團隊創作的人氣裝置首度嚟亞洲，原本只得一隻10米長貓咪，今次嚟到香港特別擴展成「兩大一小」的貓貓家庭。三隻貓咪攤喺西九草地，真係見到心都軟埋！最正係可以輕輕摸佢哋，會感受到低沉嘅呼嚕聲同怦怦心跳，尾尾仲會慢慢擺動，勁有真實感！入黑後貓咪會發光，配埋維港夜景，成個畫面浪漫到爆～ 💡 我嘅一日行程建議： 1️⃣ 下午先去ELEMENTS圓方火區影小貓咪＋行街食Tea 2️⃣ 黃昏時分行天橋過去西九（約10分鐘） 3️⃣ 5-6pm到達草坪，影日落貓咪＋維港景 4️⃣ 留到入黑睇巨貓發光＋夜景 呢條路線一次過滿足晒兩個打卡願望！快啲約埋朋友一齊去啦～🌷🐱除左貓貓裝置，今年「西九家FUN藝術節」仲有好多精彩表演節目，快啲搶飛啦！ 📅 展覽詳情 ELEMENTS迷你小貓展區 日期：3月19日至4月12日 地點：ELEMENTS圓方 火區 Fire Zone 西九家FUN藝術節2026 📅2026年3月19日至4月12日 （🆓巨型貓貓裝置🐾：2026年3月19日至4月7日） 📍藝術公園、自由空間及戲曲中心 @Elementshk @westk.hk @westkperformingarts #ELEMENTS圓方 #西九文化區 #夢遊喵境 #巨型貓咪 #西九家FUN藝術節 WestKFunFest 西九演藝 WestKPerformingArts 打卡路線 香港好去處
時段開始時間: 2026/03/19 08:00
時段完結時間: 2026/04/12 08:00
Uploaded at 2026/03/25
留言
還沒有留言，來開個頭吧。