晴天回家2026

《一圖一文》第十一章 葉望晴，王家承（前傳） 晴：終於行完喇，原來由尖東頭行到尖東尾係咁遠架。 承：係呀，我地真係行左好耐。 晴：你真係講得冇錯，唔駛出聲，兩個人靜靜咁行，都可以好舒服。 承：我地冇講過一個字。 晴：係，根本唔駛夾硬揾D野講。 承：我爸爸冇講錯，揾到一個啱嘅人，行一段啱嘅路，幸福就係咁簡單。 晴：你又知揾啱人？ 承：原本未知，行完之後先知。 晴：王家承，你真係好老土。 承：我都覺得，可能係我爸爸遺傳。 晴：成日都提起你爸爸，你好崇拜佢架？ 承：佢直情係我偶像。 晴：羡慕你，我從細到大都冇呢個偶像.... 承：sorry.... 晴：慣架喇....講多D你爸爸吖。 承：....佢地結婚就快五十年喇，感情冇變過，幾十年黎，鬧交次數，真係一隻手數得哂....有一日我問佢，爸爸，你點做得到架？佢答我：女人呢，每十年就變一次，情緒、脾氣、身形，直到最脆弱嘅更年期，完全控制唔到嘅荒張，要等到佢每晚訓著覺，先至可以好安靜咁望住佢，聽住佢好鬼鼠嘅鼻鼾（寒）聲....有時會諗，如果有一日，我再聽唔到佢嘅鼻鼾聲，我點算呢....你媽媽二十一歲巳經跟住我捱，直到今日，都冇埋怨半個字，呢個女人唔容易，呢個女人，係我㨂架..... 晴：你爸爸真係好愛你媽媽。 承：咁你可以放心啦，我有我爸爸嘅遺傳。 晴：你幾時學識撩女仔架。 承：係因為妳，我先至學識撩女仔。 晴：王家承！ 承：對唔住....（微笑著） 晴：....你真係相信永遠？ 承：信！爸爸講過，愛就唔好怕，怕就唔好愛。 晴：但係而家有好多人離婚。 承：但係而家有好多人冇離婚，只係冇人報導...... 晴：....我想行番去。 承：我係咪激嬲妳呀？sorry.... 晴：（微笑）我想同你一齊行番去，ok。 承：0K（微笑） （二人原路回去） 誠邀您來觀賞《晴天回家2026》 官方網站： www.wkmdrama.com 門票現已在城市電腦售票網發售： https://www.urbtix.hk/event-detail/14654/ 正價門票$280，最新優惠詳情請參閱城市電腦售票網站。所有優惠設有配額，並會因應售票情況而調整。 ❤️一張門票，一份支持 部份收入將捐助《母親的抉擇》，希望每個孩子都擁有一個家🏠

Uploaded at 2026/03/09