蹟跡 x 智綠嶺：南區隱世古蹟一日遊

【蹟跡 x 智綠嶺：南區隱世古蹟一日遊】 一直策劃各類型深度導賞活動嘅「蹟跡」同「智綠嶺」，今次密密地準備咗大半年，終於安排到呢個期間限定嘅深度行程！南區蘊藏住大量歷史建築；由漁村風貌到軍事防禦，再到殖民時期建築，層次相當立體。地勢起伏、海岸線綿長，加上好多地方平日較難到達，亦令呢度保留到難得嘅原真風貌。 呢次我哋會避開人潮，由2位資深導賞員全程帶領，包車直達南區三個平日極偏僻、難以預約、甚至對外封閉嘅古蹟。作為一場教科書以外嘅實地考察，機會難得，大家記得快手報名喇！～ 活動詳情 🔽 🗓️ 日期：04月11日（六） ⏰ 集合時間：10:15am（行程約 6-7小時，請準時集合） 📍 集合地點：金鐘（詳情有待通知） 💰 收費：$300/ 位 名額：23人（因場地所限，額滿即止，絕不加位，先到先得！） 截止日期：3月25日（三） 立刻報名： （連結見 Comment） ——— ——— 一口氣解鎖3大隱世古蹟： 💣壽臣山中央彈藥庫 — 小香港 1930年代末期由英國皇家工程師秘密興建，曾經係香港最後防線！2004年完成修復並改作酒窖私人會所，更於2007年獲頒聯合國教科文組織亞太文化遺產獎！ 🎖️舂磡角炮台 — 海天一色嘅軍事秘境 座落於舂坎角海岸線嘅英軍海防炮台遺址，乃二級歷史建築，望出去有180度神級一樣嘅無遮擋海景，加埋條純白樓梯，成個感覺好似去到天涯海角。平時人跡罕至，除咗成日俾電影、劇集攞嚟取景，其實附近散落住好多軍事遺跡，等待我哋一齊探索！ 🕌 赤柱清真寺 — 禁區入面嘅伊斯蘭瑰寶 呢座一級歷史建築位於赤柱監獄範圍入面，平時公眾根本入唔到去，參觀難度爆燈。建築係喺1937年落成，當年係為印巴籍獄警而建，沙黃色外牆融合咗印度鄉村風、殖民地式遊廊同伊斯蘭拱券，極具特色。經過多次申請，今次終於可以近距離感受呢段由圍牆守護住嘅隱秘歷史。 準備好同我哋一齊沉浸喺香港最隱世嘅南區秘境未？ 歷史嘅層層故事同絕色風景，正等緊大家一步一步揭開！ 立刻報名： （連結見 Comment）

Uploaded at 2026/03/07