「梅校長，聽講你教開好多名校學生。我個仔最近成日喺最後嗰條挑戰題度失分。佢係咪開始懶？定係補習社嘅操練唔夠？」 林太喺 Facebook Messenger 度打咗呢段文字畀我，語氣入面嗰種對分數嘅焦慮。 跟住佢send 咗張相上嚟 一張數學測驗卷，上面寫住個「99」，而唯一扣分嗰條題目，我見到應該俾人用筆篤咗好幾次，篤到張紙差啲穿。 林太係嗰種標準嘅「效率型家長」。佢由細到大幫朗朗報晒名校、補習班，朗朗嘅時間表。 我聽過林太一個講笑嘅比喻，除咗特首，朗朗係最忙嗰個。 「如果佢再小心啲，就唔會扣嗰一分。梅校長，佢明明可以攞 100 分！」 我感受到小朋友嗰種幾乎窒息壓力。 — 傳統嘅教育市場，其實就係一個大型嘅「分數交易中心」。只要可以攞到分，無論係死背硬記、地獄式操練，好多家長都會覺得係「有效」。 但我地 Mathlete 唔係。 — 林太預約咗我地嘅家長教育諮詢。諮詢當日，視像通話接通。 朗朗坐喺鏡頭前面，林太喺隔離。 我將一條需要轉換思考邏輯嘅基本應用題，透過熒幕分享推到朗朗面前。 「朗朗，」我聲音好輕，「我唔要你寫答案畀我。我想你試吓一步一步解釋畀我聽，你個腦而家諗緊咩？點解要咁樣計？」 呢個係 Mathlete 5S 入面嘅「說 (Speaking)」嘅其中一個功能 利用「自我解釋效應 (Self-Explanation Effect)」，去測試佢嘅後設認知能力。 朗朗望住熒幕上嘅題目，呆咗。 林太話佢平時做數好快，我可能係見到題型就直接代入公式，就好似一部精準嘅計數機。但今日，當我要求佢將「點解」講出嚟嘅時候，佢嗰套行之有效嘅「標準作業程序」突然失效。 佢嘴唇郁咗兩下，但發唔出聲。 「點解唔出聲？」林太喺隔離催促，「平時補習老師教過㗎嘛，X 減 Y 呀!」 「媽咪……」朗朗把聲震得好犀利，「但我唔知點解要減 Y……」 「咩叫唔知點解？你識做㗎！」林太急到想搶支筆塞畀佢。 「林太，等一等。」我透過鏡頭，用手勢示意佢停低。 但林太可能太過專注朗朗，繼續佢嘅「引導」。 「我上次咪已經再講過囉，乜叫唔知點解要減。」 朗朗望住熒幕上嘅應用題，突然崩潰大喊。 佢冇好似普通細路咁發脾氣，而係用雙手抓自己個頭，一邊喊一邊講:「對唔住……我好蠢……我諗唔到……我真係諗唔到點解……」 透過鏡頭，我見到林太有啲嬲，可能覺得係老師面前好無面。 — 「梅校長，佢發生咩事？」林太把聲震緊，佢冇諗過一次簡單嘅測試會搞成咁。 經過一段時間，我等朗朗慢慢冷靜落嚟，然後喺白紙上畫咗個大腦嘅圖，舉起嚟對住鏡頭。 「林太，你知唔知朗朗點解會扣嗰一分？」我指住圖上面嘅位置，「佢唔係粗心，佢係『認知靈活性 (Cognitive Flexibility)』卡住咗。」 我指住大腦嘅前額葉皮質。 「朗朗好聰明，但佢嘅大腦一直以嚟都被訓練成『輸入公式 -> 輸出答案』嘅硬盤。當遇到嗰啲需要轉換解題策略、需要後設認知(Metacognition)嘅挑戰題時，佢嘅大腦冇足夠嘅暫存區，即係工作記憶去處理『點解』。」 我望住熒幕上林太似懂非懂嘅眼神，繼續講:「佢嗰啲咬手指、抓自己頭嘅行為，其實係大腦過載嘅痛苦。佢一直喺度死頂，去維持你心目中嗰個『滿分兒子』嘅形象。」 透過鏡頭，我見到林太唔係好識反應，但我隱約見到眼眶紅咗。 「梅校長，但我淨係想佢好……我想佢完美啲……」 我將那張「99分」嘅試卷相片喺熒幕上關閉。然後，我記起曾經對學生家長講嘅一番話，我同咗林太分享 「林太，你個仔拎 99 分，佢隔離位個同學都係拎 99 分。但過多幾年，你會睇到兩個同樣分數嘅人，有完全唔一樣嘅未來。」 林太愣住:「點解？」 「因為一個係靠死背硬記、刷題刷出嚟嘅 99 分，佢嘅大腦已經到咗極限;另一個，係因為佢大腦嘅思維系統運作緊，佢仲有空間去探索。佢地嘅人生高度，已經注定唔同。」 我停咗停，望入鏡頭，好似望入林太嘅眼底。 「我要畀家長知道，喺而家嘅教育制度下，幫學生拎到分數嘅方法，我唔係無。你要各間學校嘅題庫我都有，坊間亦有大把補習社做到。」 「但我喺 Mathlete 追求嘅，唔只分數，而係更高層次嘅教學——係 #終生學習 嘅能力。」 我指住熒幕上朗朗:「就算佢今日有 100 分，佢都要繼續去學習大腦訓練。因為 100 分從來都唔係終點。」 林太望住鏡頭，眼神由焦慮變得深沉。 我講出咗嗰句可能係佢呢世人聽過最震撼嘅說話: 「林太，你知唔知 100 分同 99 分學生嘅真正分別係咩？」 「……咩？」 「一個學生拎 100 分，係因為份卷最盡只係得 100 分，佢嘅能力早就超越咗張試卷。另一個學生拎 99 分，係因為佢大腦最盡嘅處理能力，就只有 99。」 視像通話靜咗三秒。 透過鏡頭，我見到林太突然明白咗。佢一直逼個仔衝嗰「最後一分」，其實係推緊個仔去撞牆。朗朗唔係爭一分，佢係少咗一套真正可以思考、轉換、抗拒壓力嘅「大腦作業系統」。 — 佢俾我嘅教育理念說服咗，去咗我地嘅線上網課。 林太好投入 ，每次都陪住朗朗上堂。 佢原本以為我地會俾挑戰題朗朗，但我地冇。反而做翻一啲基礎嘅題目。 (有時真係唔係咁容易改變到家長嘅思維) 我地要朗朗聽住自己發嘅指令(聽覺專注)；要佢用眼睛有足夠時間「掃描」題目，抑制眼球跳動(視覺焦點控制)。 有一次網課，媽媽喺一邊睇住個課堂。 朗朗見到題目，深呼吸咗一下，冇即刻寫答案，而係雙手摸住算珠(觸覺具象化)。 「4，1 2 3 4，加5，加5，減2......」佢對住鏡頭，流暢咁用語言去梳理自己嘅邏輯，大腦喺「聽、說、讀、寫、觸」之間深度連結。 我聽到林太溫柔嘅聲音:「嘩，原來係咁諗㗎？我都講唔出咁仔細嘅步驟，阿仔你解釋得好清楚喎，連媽咪都明咗。」 朗朗對住鏡頭，笑得好燦爛。嗰個笑容，冇咗往日嘅恐懼同討好，得返一種大腦真正被啟動嘅自信。 — 教育，從來唔應該係一場比較邊個扣少一分嘅遊戲。 當我地將焦點放喺「分數」，我地訓練出嚟嘅只係一部隨時會死機嘅電腦； 但當我地將焦點放喺「大腦」，我地成就嘅，係一個可以應對未來任何挑戰嘅靈魂。 不只是數學，更是大腦的作業系統升級。 如果你都面對孩子「識做但粗心」、「遇到難題就放棄」、「被分數綁架到唞唔到氣」嘅無奈; 如果你認同，真正嘅優秀，唔係建基於對 100 分嘅恐懼，而係源於大腦神經元深度連結後嘅自信； 歡迎你同孩子一齊走入 Mathlete 5S 尖子大腦培訓。由我梅校長同我專業嘅教育團隊，用親自研發嘅 5S 學習系統，為孩子解開大腦嘅枷鎖。 唔需要再糾結於試卷上嘅 99 分。因為當大腦真正升級後，你會發現，佢嘅未來，根本冇上限。 — We are Mathlete The Beginning of Creation. 我是梅校長，我們下篇故事見。 #Mathlete5S尖子大腦培訓 #100分之後道路 #幼兒數學 #幼兒教育 #Mathlete #梅校長

Uploaded at 2026/01/31