啟德「五行童樂園」聖誕親子日

🎄 聖誕瘋玩日！啟德「五行童樂園」電力 0% 報告 ⚡ 聖誕節，阿仔同表姐表弟去咗啟德體育園最新嘅「五行童樂園」放電，真係跑到癲咗！😂 我哋入場前無做足資料搜集，原來依家係分時段入場（要先到門口排隊取票），結果排隊排咗半個鐘先入到。不過真心讚佢哋嘅人流控制做得好好，入面空間感足夠，小朋友可以喪跑，玩得特別開心！✨ 阿仔同表姐表弟一入去就變咗「馬拉松選手」，全程喪跑，連飛索都因為掛住跑而錯過咗！😂 阿仔最開心就係玩氹氹轉，幾對腳仔喺上面撐撐撐，轉到好似想飛起咁，笑聲傳遍全場！ 雖然因為無帶衫換，同大型沙池無緣，但睇住佢哋玩到汗流浹背、滿足咁返屋企，呢個聖誕聚會真係極正！❤️ 📍 實用玩樂資訊 地點： 啟德體育園「北斗園」內（鄰近沐泰街） 地址： 九龍啟德承啟道 38-39 號 前往方法： 港鐵： 屯馬綫「啟德站」D 出口，步行約 5-10 分鐘即可到達；或「宋皇臺站」D 出口亦可。 巴士： 乘搭途徑啟德體育園或九龍城轉車站（富豪東方酒店）的路線（如 20A, 22D 等）。 溫馨提示： 開放時間： 每日 09:00 – 21:00 必帶裝備： 園內有大沙池，建議多帶一套衫更換，小朋友就可以盡情玩沙啦！ #啟德體育園 #五行童樂園 #聖誕好去處 #放電必去 #親子日常 #喪跑回憶 #氹氹轉

Uploaded at 2025/12/27