不日試演《男人成功學 Peak Male Experience》 一部 硬不起來 / 老豆打仔 / 全身麻醉 / 墮入愛河 / 自我厭惡/ 男性困境 / 安信Talk show / 男人獨腳戲 超癲嘅巔峰男性體驗！七月尾八月頭，入嚟體驗一場男人成人禮！ 嗰一晚，我同佢眼神纏住眼神，呼吸纏住呼吸······ 但係自從嗰晚，BB 問我想唔想生 BB 之後，我嘅海綿體就只係得翻海綿。 我成個人囉囉攣，我望住呢個我夢寐以求嘅女人，我絕對成為唔到佢夢寐以求嘅男人。 「好兒子」「好丈夫」「好爸爸」 我啱啱先開始學做「兒子」，就俾人叫我學做「爸爸」， 我成三十歲人都嚟，我懷疑我任何一樣都做唔掂。 如果我生咗個仔出嚟，第日佢會唔會係一個快樂嘅男仔？ 由細到大，我諗起每一個男仔都會收到嘅「No」。 情緒化 No 太理性 No 太直 No 太攣 No 自愛 No 自殺 No 喊 No 笑 No 笑住喊 No 喊住笑 No No No No No No······ 笨拙地打機、笨拙地打波、笨拙地追女仔、笨拙地打架、笨拙地鬧交、笨拙地哭泣······ 再笨拙地理解父親，笨拙地接受自己，和笨拙地認定愛人。 尷尬，好笑，又敏感，在這一場「成功地做男人」的遊戲裏面，「男性」準備好迎接新的「男人成功學」嗎？ - 不設劃位。 - 本劇含有粗言穢語及部分成人情節，適合18歲或以上人士觀看。家長或學校在購票前應審慎評估，自行決定是否適合攜同未成年子女或學生進場。 - 演出長約1小時30分鐘。
Uploaded at 2026/06/28
還沒有留言，來開個頭吧。