小丑情緒酒店情緒教育小丑劇場

🎭🏨 《小丑情緒酒店》情緒教育小丑劇場 🤡 小朋友喊、發脾氣、扭計，係咪就代表佢哋唔乖？ 好多人對小丑都有一種「又愛又怕」嘅微妙感覺，其實，孩子嘅「情緒」都係一樣 — 開心嘅時候大家都鍾意，但當憤怒、悲傷呢啲負面情緒突然爆發，唔單止家長覺得好驚好無助，小朋友自己有時都唔知點面對。 其實，每一種情緒嘅背後，都有小朋友想表達嘅感受同需要。當小朋友認識自己嘅情緒，並學識點樣用正確嘅方式表達出嚟，就能夠更自信咁同身邊嘅人溝通，建立良好嘅人際關係。 今個暑假，國際培幼會特別聯同「小丑研究所」邀請大家一齊入住《小丑情緒酒店》，解開對情緒嘅「又愛又怕」！🎉 🏨 呢間《小丑情緒酒店》接待嘅唔係一般客人，而係一個個化身成小精靈嘅情緒。呢班情緒「客人」，有啲笑咪咪，有啲成日發脾氣，有啲比較怕羞。不過，無論佢哋係咩模樣，小丑酒店經理都會為佢哋留下一個位置，用心聆聽佢哋嘅故事！ 透過充滿歡笑嘅小丑劇場同互動體驗，小朋友可以： ✨ 認識唔同情緒同佢哋嘅特徵 ✨ 學習接納自己嘅感受 ✨ 練習表達內心嘅想法同需要 ✨ 培養同理心及聆聽能力 ❤️ 培幼會相信，每個孩子都值得被聆聽，而每一種情緒都值得被理解同接納。誠邀家長同小朋友一齊踏上呢趟充滿歡笑嘅情緒探索之旅！ 📅 日期：2026年8月8日 (星期六) 🕝 時間：下午2:30至4:00 📍 地點：觀塘創業街9號21樓 👨‍👩‍👧‍👦 活動對象：20對親子 (4-10歲兒童) 💰 費用：HK$100/1對親子 🔗 報名連結：https://forms.office.com/e/zne4zzw2Qx ⚠️ 名額只得20對親子，先到先得！快啲邀請埋身邊嘅家長朋友一齊入住《小丑情緒酒店》，學習勇敢表達自己，亦學習理解他人，一齊同情緒做好朋友！ #國際培幼會 #PlanInternationalHongKong #小丑情緒酒店 #情緒教育 #親子活動 #兒童情緒 #兒童成長 #同理心 #小丑劇場 #親子好去處 #暑假活動 #親子體驗班

Uploaded at 2026/08/01