SEED 耔籽農墟｜香港農墟文化 X 手繪本地菜明信片工作坊

【SEED 耔籽農墟｜香港農墟文化 X 手繪本地菜明信片工作坊】 🤚摸下新鮮節瓜毛茸茸嘅表皮，先發現「原來真係好拮手！」；👀睇下熟透苦瓜變成金黃色，仲有紅色啫喱嘅甜甜種子 —— 原來平時食落肚嘅蔬果，有咁多平日未必留意到嘅細節。 香港農墟文化歷史悠久，從昔日鄉村「趁墟」開始，農墟唔只係買賣同交易嘅地方，而係人與人、人與土地相遇同交流嘅空間。農墟可以重新認識食物原本嘅樣貌，感受季節流轉嘅痕跡，聽農夫分享每一份農作物背後嘅故事，同時重新拾回日常生活中容易忽略嘅土地連結。 今個七月，誠邀大家走進耔籽農墟，一齊摸下、聞下、睇下、畫下瓜🥒🎨 用感官重新認識本地農產，感受屬於香港嘅農墟人情味。 7月15日及7月29日特設【香港農墟文化 X 手繪本地菜明信片工作坊】，將會由耔籽農墟農夫親自介紹自家培育的夏日瓜果，並陪伴參加者以畫筆描繪本地作物，將農墟記憶轉化成可保存、可寄送的生活記憶。每張明信片更印有悅來農莊農夫羅國生先生親筆題字書法，別具收藏意義。 日期：2026年7月15日及7月29日（星期三） 時間： 第一節：下午2:00－3:00 第二節：下午3:00－4:00 地點：中環天星七號碼頭，SEED耔籽農墟 名額：每節10位 費用：每位 HK$100 費用包括： 明信片材料一份（即場繪畫使用） HK$50 農墟菜券（可即日於農墟換購本地蔬菜） 活動內容： 農墟導賞：農夫介紹夏日瓜果 農夫共作：農夫與你共繪夏日瓜果明信片 報名連結：https://veggiepostcard.eventbrite.hk ----------🌱#SEED 耔籽農墟 🌱---------- 🥬SEED 中環天星「耔籽農墟」🥬 📆：逢星期三 ⏰：11:00 - 19:00 📍：中環天星七號碼頭 ----------------------------------------------------

Uploaded at 2026/07/04