#免費入場 #肉丸媽媽玩樂攻略 🧸 立即收藏，下次出發就搵到 《反斗奇兵5》暑假放電打卡～ 由即日起至8月31日，海港城變身「FOREVER TOYS」樂園，免費入場，仲有齊打卡、放電、買精品同做善事，一次過滿足晒全家願望。 跟住肉丸朗玩一定唔會 miss 咗任何精彩位 👇 🤖 第一站：室內「《玩具對科技》遊戲室」 （海運大廈展覽大堂） 一入去就有2米高嘅胡迪、翠絲同紅心迎接，肉丸仔見到即時尖叫！穿過會「眨眼」嘅莉莉平板隧道，玩齊4大互動遊戲，成功過關仲有禮物仔換，小朋友玩到唔願走。 ⚡ 第二站：海景打卡「巴斯光年，一飛衝天！」 （海運觀點） 4.5米高巴斯光年降臨海旁，擺出經典英雄姿勢，一定要同佢影番張「飛天全家福」。旁邊仲有海景做背景，黃昏時分嚟影特別靚。 💦 第三站：濕身玩水「Pixar Summer Fest 花車派對」 （海運大廈露天廣場） 迪士尼樂園嘅「Pixar水花大街派對！」花車搬咗過嚟，備有噴水裝置，小朋友可以盡情淋濕身消暑！旁邊仲有4米高積木城堡同「沖天遙控車」打卡位，記得帶多套衫替換。 🎨 第四站：文青時間「《反斗奇兵5》的藝術世界」 （海港城美術館） 展出由電影草圖到大銀幕嘅幕後藝術設計，大人都睇得好投入，可以同小朋友講解動畫點樣由零開始創造出嚟，好有教育意義。 🛍️ 第五站：掃貨天堂「THE FOREVER TOY HOUSE」期間限定店 （海洋中心廣東道入口及港威商場） 超過800件精品，當中有50件係首發新品。場內仲有Snapio自拍機，可以即場印相留念。 💝 必玩「海港城獨家集章活動」 捐款港幣140元，就拎到遊戲卡、集章手冊同環保袋盲盒一個，邊行邊儲印仔，好有尋寶感覺。最緊要係所有收益扣除成本後撥捐「願望成真基金」，玩得開心又做到善事，好有意義。 📅 活動日期：2026年6月19日至8月31日 📍 地點：海運大廈露天廣場、展覽大堂、地下中庭、海運觀點、海港城美術館、海洋中心及港威商場廣東道入口等多個位置 ✨ 免費入場（遊戲同購物除外） 肉丸媽溫馨提示：記得帶備太陽帽、防曬同替換衣物，玩水區必定濕身；平日朝早去人少啲，打卡最輕鬆。快啲約埋其他媽媽一齊出發，同胡迪巴斯過一個開心暑假啦！🎉 #HarbourCity #ForeverToys #Disney Pixar ToyStory5 HKDisneyland Harbour City Disney Disney.hk Pixar Hong Kong Disneyland Standard Chartered Hong Kong
時段開始時間: 2026/06/19 08:00
時段完結時間: 2026/08/31 08:00
Uploaded at 2026/07/02
還沒有留言，來開個頭吧。